منتديات الجزائر بلادي
مرحبا بك في منتديات الجزائر بلادي التعليمية التثقيفية التربوية والترفيهية نرجو لك المتعة والفائدة معنا اخي العضو


style=position:
 
الرئيسيةمنتديات الجزائرس .و .جبحـثالتسجيلدخول

شاطر | 
 

 بوقالات جزائرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nassma
نائبة المدير
نائبة المدير


الهواية : الكتابة
المهنة : طالب
المزاج : عادي
الدولة : الجزائر
:•.★* الأوسمة *★.•:


عدد المساهمات : 623
تاريخ التسجيل : 17/10/2010
العمر : 25

مُساهمةموضوع: بوقالات جزائرية    الأحد أغسطس 07, 2011 8:23 pm

السلام عليكم احبائى اليوم جبتلكم بوقالات جزائرية جممميلة اعجبتنى كثيرا ونتمنى انها اتنال اعجابكم ايضا
ايا اعقدو وانو وختارو الرقم


01 حليت باب
الجنان لقيت الملاح رقود تنهدت الدالية و تحرك العنقود قال القمر فالسماء
نكشف على السحاب يذوب خلي الحبيب لحبيبو و اللي في قلبو حاجة الله يبلغ
المقصود .









02 نزلت لقاع البحر خرجت لي جنية قالت لي وشبيك يا لالا مهمومة تكلمي
افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو
معاها هيا .







03 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .








04 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .








05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .









06 الشمعة يا لشمعة يا لشمعة الضواية لو كان نعرف وشبيك نمسح هذيك الدمعة
من خديك و نرد وجهك مرايا يا ربي يا معبود اقبل دعاية يا رجع لي زهو
الزمان ويعيا الحبيب قاعد معايا .






07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .








08 لو كان السعود ينغرسو نغرس ميات عود و عود في طية وحدي لكن السعود في
يدك يا معبود يا سقام السعود سقم لي سعدي الناس الكل بحبيبهم وأنا غريب في
هذا الدنيا وحدي .







09 فاطمة يا فطوم وين ما تكوني نرسلك مرسول إذا سكنتي البحر نرسلك عوامة
وإذا سكنتي السماء نرسلك حمامة و إذا سكنتي القبر يحاسبك مولانا .







10 علاش يا لالا التخمام رحمة الله واسعة و كبيرة لو كان جات بالكلام
نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك
الهموم و تروح الحيرة .







11 أعلميني يا لالا نهار تروحي لحمامك نرفدلك السلة و نمشي قدامك ندور على
يمينك و نزيد على شمالك و نبقى لك خديم و طايع على طول زمانك .







12 السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .







13 يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك .







14 في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف .







15 أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .







16 جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .







17 شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة .







18 ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .







19 دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .







20 غرست ياسمينه في وسط الدار عروقها سكنجبير و أطرافها نوار يما يا يما
محلى عشق الجار العين تخز في العين و القلب شاعلة فيه النار .







21 أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .






22 يا مولاة القلب الكبير ربي يعطيك و يوسع عليك ما عندك لا ذهب و لا حرير
و أنت دايما زاهية و ربي مسهلك ما دريت من حيلة ندير باش نكون مثلك .






23 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .







24 يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك








25 يا لساكنة في الخيمة و الريح جاني قبلي ردي أوراقك ديمة لا يولي الريح
غربي .26 في الدار صندوق مخبي في وسطو ذهب و جوهر مرجان و روبا قظيفة
قالولي اماليا لمن مخبيه قلتلهم لهذيك مولاة الشان مولاة المشية الظريفة .















27 يا لالا يا لالا يا مولاة القلب القاسي حني على حبيبك يالي طيرتي مني
نعاسي ملي شفتك راني نتعذب عليك نعادي اماليا و قاع أحبابي وناسي .







28 حكمت الطير بتكة الحرير و ما ظنيته يطير من بعد ما والف خلى قفصي و عمر
قفص الغير و اقعدت أنا في البحور نتمشى تالف لا سواري لا قلاع لا وجدت
مقاذف هذ الزمان يعطي و يخالف .







29 علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .





30 عيطت على سيد الملاح صبت الناس رقود هزيت الدالية طاح منها عنقود
النجوم قالت النجوم نحكي و قال القمر نذوب اصبر يا قلبي ياك كل شي مكتوب .









31 يا للي ملكتنني بزينك يالزايدة في عذابي في الليل نومك و في النهار نترجاك قوليلي غير كليمة يرحم اللي رباك .







32 و ين الطريق اللي فيها محبوبي جيبولي التراب من ثمة نشريه نعمله جعيبة
في مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه
.33 ذاك الحمام اللي محبوس في السجنة يعيا و يفرج ربي و نرجعوا خير من
اللي كنا .













34 يا قاعدة في الجنينة و القرقاف حذاك في النهار نتفكرك و في الليل نترجاك قلبي وصل لعندك و عينيا حشمو من بهاك .





ذاك البصر المفلق يما واش فيه راه القلب تعلق لمن نهديه لا طيور تزقزق لا مخبيه .







35 شجرة على طرف البير و أعراقها دلايا يما شفت الطير وجهوا كي المرايا عليه لعقاد تسير و عليه نطوي الثنايا و اللي








_________________


الرجوع الى أعلى الصفحة اذهب الى الأسفل
nouni.dz
عضــو جديــد
عضــو جديــد


الهواية : السفر
المهنة : غير معروف
المزاج : ممتازه
الدولة : الجزائر
عدد المساهمات : 2
تاريخ التسجيل : 01/04/2011

مُساهمةموضوع: رد: بوقالات جزائرية    الخميس نوفمبر 17, 2011 8:41 am


22 يا مولاة القلب الكبير ربي يعطيك و يوسع عليك ما عندك لا ذهب و لا حرير
و أنت دايما زاهية و ربي مسهلك ما دريت من حيلة ندير باش نكون مثلك .
الرجوع الى أعلى الصفحة اذهب الى الأسفل
اسراء
عضو ذهبـــــي
عضو ذهبـــــي


الهواية : السفر
المهنة : موظف
المزاج : رايقه
الدولة : الجزائر
عدد المساهمات : 103
تاريخ التسجيل : 23/10/2011
العمر : 39

مُساهمةموضوع: رد: بوقالات جزائرية    الخميس ديسمبر 08, 2011 9:47 pm

يا سلام على هاد الكلام الرائع
مشكورة على هده البوقالات
و ربي يعطيك واش راكي تتمني
الرجوع الى أعلى الصفحة اذهب الى الأسفل
باديس
عضــو جديــد
عضــو جديــد


الهواية : الكتابة
المهنة : محامي
المزاج : عادي
الدولة : الجزائر
عدد المساهمات : 41
تاريخ التسجيل : 16/03/2011

مُساهمةموضوع: رد: بوقالات جزائرية    الخميس ديسمبر 08, 2011 10:17 pm

مشكورة أختي على البوقالات المعبرة .... شكرا
الرجوع الى أعلى الصفحة اذهب الى الأسفل
 
بوقالات جزائرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الجزائر بلادي :: العام الجزائري :: منتدى العادات والتقاليد في الجزائر والوطن العربي-
انتقل الى:  
المواضيع الأخيرة
» الجزائر بلادي
السبت فبراير 16, 2013 12:37 am من طرف رؤووف

» قوال وحكم عن الدنيا
الجمعة ديسمبر 14, 2012 10:49 pm من طرف المحبوب

» جيش رجال النقشبندية يقصف مقر للعدو الامريكي
الخميس ديسمبر 06, 2012 10:51 pm من طرف المحبوب

» عاجل جيش رجال الطريقة النقشبندية يقصف مقر للعدو الامريكي
الإثنين ديسمبر 03, 2012 11:00 pm من طرف المحبوب

» اسعد اوقاتكم
الأحد ديسمبر 02, 2012 11:02 pm من طرف المحبوب

» لو كانت حياتك قصه فما هو عنوانــها
الأحد ديسمبر 02, 2012 4:34 pm من طرف wawa

» جيش رجال الطريقة النقشبندية يقصف مقر للعدو الامريكي
الجمعة نوفمبر 30, 2012 10:15 pm من طرف المحبوب

» صفحة شعراء جيش رجال الطريقة النقشبندية
الثلاثاء نوفمبر 27, 2012 2:11 pm من طرف المحبوب

» اسعد اوقاتكم
الجمعة نوفمبر 23, 2012 10:29 pm من طرف المحبوب

» عاجل جيش رجال الطريقة النقشبندية يقصف مقر للعدو الامريكي
الخميس نوفمبر 22, 2012 9:19 pm من طرف المحبوب

الزوار
surveillance des temps d