منتديات الجزائر بلادي
مرحبا بك في منتديات الجزائر بلادي التعليمية التثقيفية التربوية والترفيهية نرجو لك المتعة والفائدة معنا اخي العضو


style=position:
 
الرئيسيةمنتديات الجزائرس .و .جبحـثالتسجيلدخول

شاطر | 
 

 الكلام الزين(أمثال شعبية ليبية )

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ومضة امل
المشرف العام
المشرف العام


الهواية : الكتابة
المهنة : جامعي
المزاج : رايقه
الدولة : ليبيا
:•.★* الأوسمة *★.•:
عدد المساهمات : 1078
تاريخ التسجيل : 22/07/2010
العمر : 28

مُساهمةموضوع: الكلام الزين(أمثال شعبية ليبية )   السبت سبتمبر 24, 2011 10:08 pm




* يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* كل حد وسعده .. حتى البرم ، وحدة تطبخ في السفناري ، وحدة تطبخ في اللحم .
* مدام ولدي حي يا سعدودي .. نوار قبرعون فوق خدودي .
* الشوارب تبوس .. والقلب فيه السوس .
* الفار الزرباز من سعد القطوس .
* اللي واخذ على طعامك ، وين يشبحك يجوع .
* صامت قليل الملح ما يتعدّى .. برّك احدانا ناقته وتغذّى .
* ما يحبّها شبح .... جابوهلّه عروس .
* في اللبس زوجة من ... وفي الشرف بنت من .
* كل شئ دواه الصبر ، إلا قلّت الصبر ماليهاش دواء .
* اللي ضرباته أمه راحت فيه .
* مشيت للبحر نشكي من كبر هبالي .. حتى البحر وخّر ووجعه حالي .
* غايضه واسمع مافي قلبه .
* كل شئ تلقاه في السوق ، كان أمك وبوك .
* اللي يحب روحه ، يقعد بروحه .
* شرْقه بريقك ، توّريك عدوّك من صديقك .

* قرد موالف ولا غزال شارد .
* يا تعس من عنده ابنتّه حارة ... بنيّة وحيدة تفيّض المرارة .
* يا عيون مصبركم على غاليكم ... كيف ترقدوا نوم الهني ويجيكم .
* تمنيتلك يا قلب ما تتمنى ، حجة وتوبة والصلاة والجنة .
* يا نفس توبي وارجعي للمولى ... راهو وراك القبر مشنى طوله ...
لو تندري يا نفس شن يطرالك ... تنوحي على روحك العمر بطوله .
* اللي ما تعرفش تندب ، علاش يموت راجلها .
* حاسدين الأعمى على طول عكازه .
* قالّه التقعميز على الرخام في الصيف مضرة ..
قالّه وفي الشتي ؟ ... قالّه لو كان خلاك تقعمز .
* إمشي صحيح لا تعتر لا اطيح .
* اللي مرته قصيرة ، يفرح ويقول صغيرة .
* ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي .
* بالله يا قلبي شرتعها ... يا رحمة ربي موسعها .
* فيه من كلامه مستكه وقرنفل ، وفيه من كلامه حار زي الفلفل .
* قال للقبر ردلي بوي ... قالّه أنا نستنى فيك .
* زوجت بنتي باش نرتاح من بلاها ، جتني وأربعة صغار وراها .
* حط الفلوس في فم المدفع يسكت .
* الكذاب .. أصبر شوية وانشده .
* زي رجل البهيم القدامية ... لا تحك ، لا تصك .
* اشكون يسبقك ، إذا تجري وحدك .
* ما يغلبك كان اللي يقولك أعطيني فلوسي . وإلى اللقاء في مرة قادمة ،،،،،،،،
* نضحك ونلعب غير شهلولية ... وضرب المعاني ما يفوت عليّا .
* دير المليحة يا ولد وأنساها ... كان عشت على طول الزمان تلقاها .
* لو كان نشكي للنجوم يغيبوا ، البحار تـنزح والصغار يشيبوا .
* والله يا قِـلـّة طويسة مُـرّة .. تقلّـع غشاش القلب يطلع برّة .
* دخانك عماني ... وطبيخك ما جاني .
* ريت بنت في غريان يا مجملها ، نعطي حياتي كان قبلوا هلها .
* اللي عضّك ...وقّضّـك في سنونك .
* شعيرك ولا قمح الناس .
* ذِل قرشك ، ولا ذِل نفسك .
* تحزمت بيكم درتكم في عوني ... نحساب حملي خفّ ... ثقلّـتونــي .
* تحطّه في القرعة ، تلقاه في البيدنجان .
* يسمع ما يكره ... ويدير ما يبّـي .
* كيف اللي يخرّف في حلمته لحماره .
* شاقي ولا محتاج .
* جبال الكُحل ... يكملوهم المراود .
* دزّوه يخطب ، تعّرس ودار صغار .
* الودن تسمع والعقول توازن ... والعين تشبح والقلوب مخازن .
* الصبر لله والرجاء في المولى ، مع الصبر ماعندي كلام انقوله .
* يا ريتني نمشي للصفا والمروى ... نشرب من زمزم لين قلبي يروى .
* اللي طلب يُطلب الله هو كريم المعاطي ، والعبد شنو قدره لا يشيّعـك لا يواطي .
* أنا بوي لَجـيـت نبكي وقال خيرها وانشدوها ، وقولولها علاش تبكي ، أنا حي مازلت بوها .
* الزين ديمه زين ما يتوارى ... والعِـفـن في الشـدّة تبـان عـواره .
* الفـم الساكـت ، ما يـنكـتـبـوش عليه السـوايا .
* واحد فراقـه مُـرّ شيـح وجَعّــَدة ... وواحد إذا فـارق إنديروا وَعْده .
* يسلّم عليك العقل سلامين والثالث يجـيء من حداكم ... لا نريد مال ، لا نريد زرع ، أنا نريد غير نقعد حداكم .
* سلّـم وليـدي قال شنهـو تـبي ، مدام راسي حـي ما تـنْـكبّي .
* واحد يحلّـك من قفال حديدك ، واحد على هـمّ الزمـان يزيـدك .
* دمعات نزلوا من العيــون سخـونه ، الخـد إنكْـوى منهـم تـغـيّـر لونـه .
* بعدي ودونـي يا بنات الدّالة ... ومهبول من يِـمّـن للرجـالة .
* يا طير بجناحات بَـرّة بـَرّة .. سلّم على وليـدي اطناش المـرّة .
* الشـين ما باش القلب إيرومه ... والزين دارولي عليه خصــومـه .
* خيار الـتّـبّـع في ولد دمّـه وافي ، يعطيـك صبّاطـه ويمشـي حافـي .
نلتـــقي قريـــباً لو كان مازال لينا عمر .....................

* يا قلب عندي حباب ما تنساهـــم ... صون ودّهــم واحفــظ عزيـز غـلاهم .
* إن شاء الله يا وليدي إدّيـر فرح والعيــن حـيّــة ، زكّــار من الصــبح لـلـيـل ، وبـارود كـيف الـقلـيّــة .
* واحد توكـل على الله ، وواحد وكيلـه دراعـه ، واللي توكل على الله شـري العـز والذِل بـاعـه .
* بـيعاونـوه على قبـر بـوه ، طبّـوا الفاس وخـللّوه .
* العـين فـي غـيـاب عـزيـز .. الساعـة بعامـين عنــدهم .
* القيـاس مِـيّـة ... والقـص مـرّة .
* ساعات يـزهى خاطـري وعيـوني ، وساعات يا نفسـي عليّا تهونـي ، ساعـات نبـدى زاهـي ، وساعات نبـدى في غشاشـي لاهـي ،
ساعات حتى الشيـن عندي باهـي ، وساعات حتى الزيـن يـبـدى دونــي .
* وحـدة قالت : الـبَرّ ما نسكنـاش ، والبحر فيـه النصارى ، والـكِـتّان ما نـلبـساش ، والمـال فـيه الخسارة ، وقـوي السَـمن ما ناكلاش ،
والـزيت فيه المرارة ، والشـين ما ناخداش ، والـزيـن فيه الـوعـارة ...... قولولـي شنــو الدبــارة .
* واحـد كـلامـه عسـل في صونيـة ، وواحـد كلامـه مـوت تُخـنـق فـيّا ، وواحد كلامـه عسل في قيشاني ، وواحد كلامـه غير ضرب معاني .
* اللّــي مـش واخـدة عالبخـــور ، ويـن بـخّـرت حُرقـت رداهـا .
وإلى اللقــاء ، إذا كان في العمر مازال بقية .................

الي متعرفه قدرله ظروفه ..... عضمه رهيف الله لا تروعه


شيء عريف ماعندكش فكرة ...... العيد اجلوه


الصاحب علي الصاحب يبيع عباته .... و اني صاحبي كلمة الو كاداته


الناس اربعة أجناس ..... و كل جنس يتبع جناسه ....... فضة و قصدير و نحاس و يبرة ........ و كل حد يلبس قياسه ........


يا مخلوق يا أسود النية .... يا الي الله خلقك من تراب .... فكر زين قبل لا اتدير السيئة ....... راهي عيب مزاها عذاب ........ فكر دوم في يوم الحساب ..... و رد النفس علي مخبث النية .... راهو الخبث من شيم الذياب .....مايغركش منزل بالثريا ..... و لا لبس موضات الثياب و لا ركوب سيارة غنية .... وخوتك ناس للمة السوية .........


قالك الايام كيف زهنك ..... وتي عزاهن قبل ماياتنك .....


قالك الدنيا كيف صبات المطر ..... تصب في وطن و علي الثاني تغيب ..... يجيك يوم ماتشبح كدر ...... و يجيك يوم كل منه عطيب ......


قالك الدنيا مشاكل و الحياة مصعبها ..... و النفس علي سبلة ..... سريع غضبها ......


و الدنيا بلا خوت ماتقدرها ....... صعيبة كان جاك خبرها ..... هي هكي ربنا صورها ......


** حُـب النـبي طـيب فـي طـيب ، حُـب النـبي طـيب صـافـي ، حُـب النـبي مِسك فـي الجـيب ، يَـظهـر ولـو كـان خـافـي .
** نـوض يا ولـد واسهر الـليل وديـر العَشـم في دراعـك ، ورَاك تصـاحب الخُـوّان إلْـيَـا قَابلـه فيـك سُـوم باعـك .

** حَـجّـب عـلى خـوتـي شُـقّـاي أولاد بَـبَـاي .. سُـبّـاط رجـلـي وَقـت حـفــاي .
** الـلّـي يِـبّـيـك إِبّــيِـه تَـلـقــى خِــيــرَه ، والـلّـي نـسـاك أنســاه تـَلـقـى غــيره .
** فيـه ناس نـنـساهـم .. ونـاس انّـدّورهــم ونـلـقـاهـم .. ونـاس لــو غــابـوا زاد غـــلاهــم .
** أحّـيـه ما مَـرّ ريــقـي ، وأحّــيه ما مَـرّ دايــا ، والـلـي حـسـبــته رفـيـقي طـلعلي عـدو في قفايـــا .
** عــيـون ســود تــقـول اهلــلّــه ، ســافر مـعـاهــم خـاطــري ما ولاّ .
** علــيه رَقـرقـن الأنـظـار .. عزيـز ويـن مـوالـه خـطر ، ويـمـوجـن مع ذكــراه ، الأنـظـار كـيـف مـوجـان البــحـر .
** عـلى البـرغــوث ، يُـحــرق الـحــولــي .
** مــريّـض مانـي مــريّــض عِـلّـة ، دواء داي مـالـقـيـتـاش صــبري لله .
** الـلّـي مـش كـاتـبتـلـك اطْــيـح من بيـن ايـديـك وفـمـك .
** الــلّي يـاكـل دَحـــي القـاضــي ، إيـردّه فــلالـيـــس .
** يا سـعـد مـن خَـلاّلـه بـوه عـادة ، ولا فــرس ولاّدة .
* هي قِـدا مَـزْرق الشمس ، وهو قِـدا ويـن غـابـت ، والله ما هـم ضـنا عـم ، امْـغـيـر المـكـاتـيـب جـابـت .
* لو كان تـبـي روحـك مـن خـيار النـاس ... دير لـمـشـيـتـك قـياس .
* إنْــوي النـيـة الصـحـيـحة ولا يـذهـبـنّــك مـسارب ، وتـبّـع الـطـريـق المـلـيـحة ، تـنـجـيـك ولو كنـت هارب .
* اللـي غـرس وما جـنّـس الـزريـعـة ، ينـدم على غـرسـه نهـار يـبـيـعه .
* البنادم إلْــيَـا صـابـه ذهـاب الشـيـرة ، إديـر عـمـلـتـه ويقـول فـيها خــيـرة .
* مـكـتـوب يا دبـلـة رمـاك الـداعـي ، مـن صـبـع مـولاتـك إتْـجــي فـي صـبـاعـي .
* رزقـك تـمـشـيـلـه ، وأجـلـك يـجـيـك .
* مـن قـبل جـحا بـكاي ، لـبـال راحـت حـمـارتـه .
* مـا وجـع إلا وجـع الـعـيـن ، ومـا هَـمّ إلا هَـمّ الــديْـن .
* مـاتـت حـمـارة القـاضـي ما لقـوا العـزّايـة طـريق ، مات القاضي مالقـوا من يـشـيــله .
* بعد ما شبـع قال .. صامــت .
* ما يـنفعـك في الضيق كان دراعـك ، وما يـوكلـك الحلو كان صباعك .
* لو كـان الــوطــأ تـنـشال ، إنـشـيلو عـزيـز ومـقـعده .
* سلامي ياعزيز عليك .. سلام فرض .. طول وعرض .. كاسي الأرض .. تستيف لين راقي للسماء .
* ياعين كوني للدرك صبّارة .. مهناك من دفنوه قبل نهاره .
* كان عضني كلب ، ماعنديش ناب نعضه ... وكان سبّني سفيه ، ماليّاش أصل نسبّه .
* شاهي بلا جدّاي غير خسارة .. إنكسر براريده ونطفي ناره .
* قاللـه : أعطيني مهبول ناكل رزقه .. قاللـه : أعطيني عاقل نُخلص معاه .
* لا غايبة لا تكهب .. لا عاد عيني تراها .. ماحَرّ نار الْمّيمة .. تهون الدنيا بلاها .
* بنادم إلْيَا ضاق صدره .. والوجاع ما طاق داها ، الأيام تمرض وتبرا .. والصبر راهو دواها .
* سيدي المرابط وَعْدتك نعطيها .. وعفسة أوخَيّ في الوطا نجيها
سيدي المرابط وَعْدتك بلحمها .. وعفسة أوخَيّ في الوطا سلّمها
* العقل يا بعاد الدار .. يمسّي معاي ، ويبات عندكم .
* غايضه واسمع ما في قلبه .
* لو كان النوم يسمّن راهو سمّن القطاطيس .


* اللي طلب يطلب الله ، ويقول يا وسيع المخازن ، والعبد خليك منه خـصـيّـص عقـل ماهـوش وازن .
* صام يوم في رمضان ، قال قداش مازال فيه .
* كيف الـفروج يــدّن وما يصليش .
* تمنيتلك يا قلب ما تتمنى ، حجة وتوبة والصلاة والجنة .
* الـخُـطَـاب مِـيّـة ... والمكــتوب واحد .
* الصـبر يا خالـق الصـبر ، والصـبر يامن يـطـيـقه ، وإن شاء الله المـولى يفـرّج على كل غـمّـة وضـيقـة .
* حـادي خـانـب يقـص جـرايـرك ، وحـادي فـلاح يــعـبي غـراريـك .
* صفا العقل يـرجى فـيك ، تغـيـب ليـش يا مولى الـدواء .
* اللي ما يشـوف قبل الرشـوف ، يـنـحرقـوا شـواربـه .
* جيـرانّـا جـاورونـا لا عـيب لاحِـس راقـي ، ياريـتهم وجّـعـونا مـنين نـاويـن الفـراقـي .
* واحـد كما البحـري رطـيب جواره ، وواحـد كما القـبلي صـهـايـد نـاره .
* تعاركـت البـنـت وأمـها ، فـرح العـدو من هـبالـه .



*** جـــرى هــذا الحـــوار بـيــن كَـنّـة حَـرْفــة وعـزوزتـها ***
الكَـنّـــة : يـا لِـسكـان أعـطـيـني شقـة فـي العاشـر وأمّـه مـا اطّـقّـه .
العزوز : أنـا وليدي جاني على شوق إنْــرُصّ البُطـمة ونطلع فوق .
الكّـنــة : إن شاء الله المَـصعـد يوقف بيك ، تنادي وما حد يواطيك .
العزوز : يجوني هـالّلي قلوب حَـناني ، يا ســلّم ما جـاب حـزامـي .
(((( وبعد أن وصلت العزوز إلى الشقة ))))
الكّـنـة : هالّلي تـتـكربِـل بِـرداهـا زعـمـة الـلـيـلـة ويـن عَـشـاهـا ؟ ...
العزوز : ما جيت إنْدَوّر في عَشاك ، إنْدَوّر في الـهُـفـك اللّي معاك .

* صاحبك خلّيه ... وصاحب بوك ما تخلّيه .
* عزيز كان خان الصوب ، عزاي فيه توبة غالغلاء .
* كل شئ تخـزنه وتلقاه ، إلا اللي في القلب يطلع على مولاه .
* مهبول من دَزّ عداه مرسوله ، مهبول وغرّي ... ومهبول من عنده الذهب ويورّي ، ومهبول من يكسب الحمام البري ، ويعطيه للقناص يرعهوله .
* لا ياخدك طول النهار وقصره ، يضوي ظلام الليل بعد سواده .
* اللي مش خاطره في الزواج .. يخطب المحصنات .
* بات على غيظ ولا تبات على ندامه .
* اللي عنده بنات ، عنده الهم بالحفنات .
* يا واخذ القرد على ماله ، يروح المال .... ويبقى القرد على حاله .
* قلبي إذا كان تكسّر .. لا يضحك لعاد يبصّــر .




* جروح كامدات الروح ، كاسرات العظم ، طارشات الْودن ، عاميات العين ، سالاّت القلب ، ساحنات الكبد ، شالاّت الفكر ، طبيب على داهن يجئ .

* هناك ناس تكرههم من أول ليلة = وهناك ناس ما يهونوا سنين طويلة
هـــــــناك نــــــاس حــبــايــب = وهناك ناس تكرههم من غير سبايب
هـــــناك نــــاس يــا محـلاهـم = وهناك ناس ما تقدر تعيش بلاهم
* مدام ولدي حي ياسعدودي ... نوار قبرعون فوق خدودي .
* يا سعد من حج وتاب ، وحط ولده في الكتّاب .
* أعطيني لسانك ، وما حاجتي بإحسانك .
* يرقد على الياسمين يجرحه .
* اللي ما تعرفش ترقص تقول الأرض عوجة .
* يصلي ويسبّح ، ويخنب سنون الكلب وهو ينبح .
* كان المرحوم .. كنت عايشة في همّه ، مات المرحوم .. وصىّ عليّا أمه .
* إذا عندك كثير أعطي من مالك ، إذا عندك قليل أعطي من قلبك .
* إذا غاب عليك أصله ، شوف لفعله .
* مشيت للبحر نشكي من كبر هبالي ، حتى البحر وخّر ووجعه حالي .
* دار بلا كبير .. زي سانية بلا بير .



** ياسيدي الفقي سـكّر كتابك قِـلّـهْ ... مريّض هوى ماني مريّض علّـة .
** حـكّيْـت راسي شاب وَلاّ صُوفة ... عمري وفَـا وَالـْهم مـَابَـا يُـوفَا .
** قِدام خوتي نلعنه ونسبّه ... وفي وسط قلبي نعشقه ونحبه .
** مدام بوي حي وأمي حية ... نمشي على العدوان وأنا بـيّــة .
** زعمة الغوالي ينشدوش علينا ... وَلاّ نسـونـا من نهار مشينا .
** ياقلب خيرك في منامك حاير ... أنا نصبّــر فيك وأنت طاير .
** الْـمتربي في الخير ، يشم إيده يشبع .
** الخنفوسة شافت أولادها على الحيط ... قالت : جوهر في خيط .
** شابت لحاهم ، والعقل ماجاهم .
** حمارك النّــكاس ، ولا حصان الناس .
** اللي يحب الــزيـن ... مايستغلاش المهــر .
** شـرط العازب على الهجالة ... ولّــي صبية وناخدك .

** فيه اللي كلمته في فمّــه وفيه اللي كلمته عند أمــه
فيه اللي كلمته في جيبه وفيه اللي كلمته في الغيبة
** أحلى مناش ، ولدك يلعب قدامك فوق الفراش ... وأمـرّ مناش ، تقصد حبيبك وتروّح بلاش .
** اللي مازلتله مدة ... ما تقتله شدة .
** الله يلحقك يا قلب ما تتمنى ، حجة وتوبة والصلاة والجنة .
** عندي اميمة عالنسي علّيها ، وحجّب حجاب الصالحين عليها .
** الأيام كيف الريح في الدرجاحة ... مرّة شقي الخاطر ، ومرّة راحة
مــرّات نخـــدم بـيـــدي ، ومـــرّات كـــاثـــرات عــبــيـــدي
ومرّات عشرة كباش يبدن عيدي ، ومرّات ما نكسب ولا صيّاحة
** ريت بنت يالو تشاوروا باباها ، نعطي حياتي مهر كا اعطاها .
** يا سلّـملــي بو شـفـشـوفة ، تَـزهى عيني وين تشــوفه .
** خـويا قليل العيب يا جاراته ، شنبير ضاوي فوق راس خواته .
** حلمت يا عزيز منام ... تمنيت الليل ما كمل .
** إخدم على روحك ودير عشيشة ، لا تنفعك لا فاطمة لا عيشة .
** ايفكك الله من سَــوّ زمانك .


* اللي ما يـداري على السّــب وحمّـال عيب الرفاقة ، ما يفرحوا بيه لَجي ، ولا يحزنوا في فراقه .
* بعد قِــرّة الحَســوم ، إرمي عباتك وعوم .
* كتّـيـت ما كَــت الجمل في حِمْــله ، أنا نفرغ يا قلب وأنت تمـــلأ .
* الفــم يدعــي ، والقلب يقول اللطــف .
* واحد مصرانــه في يده ، والثاني يقوللــه شوّية للقطوس .
* جارك القريب خير من خوك البعيد .
* بفلوســـي انعـنقـر كَـبّـوســي .
* ياكل خيــري ، ويشكــر غيــري .
* ضحكوله ... إمتد على طــولــه .
* لَــبّـس الخنـفوســة ، توللــي عـروســة .
* ضَــربها راجلها ، حُــرجـت على سلفهـــا .
* اللــي عنـده الْــبِـل ، تزوره الخـيـل .
* من قام صغيرك وباسـه ، زي من حطّــك على راســه .





_________________



كـزجاجه أنا .. يسُهل عليك كسـري .. ولكن حذار من أن تعاود لملمتي مره أخرى ..لأني حتمـاً سوف أجـرحك

الرجوع الى أعلى الصفحة اذهب الى الأسفل
رؤووف
المديــر العام
المديــر العام


الهواية : السباحة
المهنة : كهربائي
المزاج : عاشق
الدولة : الجزائر
:•.★* الأوسمة *★.•:
عدد المساهمات : 1980
تاريخ التسجيل : 27/06/2010
العمر : 29

مُساهمةموضوع: رد: الكلام الزين(أمثال شعبية ليبية )   السبت سبتمبر 24, 2011 10:35 pm

مشكورة امل على
الأمثال الليبية والله
مشكووورة
بس صعبة شوي فهمتها وشوي ما فهمتها

_________________
الرجوع الى أعلى الصفحة اذهب الى الأسفل
http://algeria-bladi.roo7.biz
محمد عباس
نائب المدير
نائب المدير


الهواية : المطالعة
المهنة : استاذ
المزاج : حجول
الدولة : الجزائر
:•.★* الأوسمة *★.•:


عدد المساهمات : 1225
تاريخ التسجيل : 07/08/2010
العمر : 116

مُساهمةموضوع: رد: الكلام الزين(أمثال شعبية ليبية )   السبت سبتمبر 24, 2011 10:38 pm

لقد قرأت البعض منها فأعجبتني كثيرا . لكن لي عودة إليها كل مرّة عند دخولي إلى المنتدى , والله روعة ، كنز لا يفنى بارك الله فيك أختي ومضة.

_________________
الرجوع الى أعلى الصفحة اذهب الى الأسفل
nassma
نائبة المدير
نائبة المدير


الهواية : الكتابة
المهنة : طالب
المزاج : عادي
الدولة : الجزائر
:•.★* الأوسمة *★.•:


عدد المساهمات : 623
تاريخ التسجيل : 17/10/2010
العمر : 25

مُساهمةموضوع: رد: الكلام الزين(أمثال شعبية ليبية )   السبت سبتمبر 24, 2011 11:50 pm

* قال للقبر ردلي بوي ... قالّه أنا نستنى فيك
* يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* الصـبر يا خالـق الصـبر ، والصـبر يامن يـطـيـقه ، وإن شاء الله المـولى يفـرّج على كل غـمّـة وضـيقـة .
* قلبي إذا كان تكسّر .. لا يضحك لعاد يبصّــر .
* مشيت للبحر نشكي من كبر هبالي .. حتى البحر وخّر ووجعه حالي

* كل شئ دواه الصبر ، إلا قلّت الصبر ماليهاش دواء .
يعطيك الصحة امولتى على هده الامثال الرائعة الى عجبتنى هلبة هلبة
ونحن ننتظر درسا من دروسك يا استاذتنا الليبية

_________________


الرجوع الى أعلى الصفحة اذهب الى الأسفل
ومضة امل
المشرف العام
المشرف العام


الهواية : الكتابة
المهنة : جامعي
المزاج : رايقه
الدولة : ليبيا
:•.★* الأوسمة *★.•:
عدد المساهمات : 1078
تاريخ التسجيل : 22/07/2010
العمر : 28

مُساهمةموضوع: رد: الكلام الزين(أمثال شعبية ليبية )   الخميس سبتمبر 29, 2011 3:56 am

مشكورين خوتي ومشكورة حبيبتي نسمة ....نعرف انها صعبة هههههههههه وانتو اللي مافهمتوشي منها انا نترجمهولكم

_________________



كـزجاجه أنا .. يسُهل عليك كسـري .. ولكن حذار من أن تعاود لملمتي مره أخرى ..لأني حتمـاً سوف أجـرحك

الرجوع الى أعلى الصفحة اذهب الى الأسفل
 
الكلام الزين(أمثال شعبية ليبية )
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الجزائر بلادي :: القسم الادبي ونبع القوافي :: منتدى الحكم والأمثال والعبر.-
انتقل الى:  
المواضيع الأخيرة
» الجزائر بلادي
السبت فبراير 16, 2013 12:37 am من طرف رؤووف

» قوال وحكم عن الدنيا
الجمعة ديسمبر 14, 2012 10:49 pm من طرف المحبوب

» جيش رجال النقشبندية يقصف مقر للعدو الامريكي
الخميس ديسمبر 06, 2012 10:51 pm من طرف المحبوب

» عاجل جيش رجال الطريقة النقشبندية يقصف مقر للعدو الامريكي
الإثنين ديسمبر 03, 2012 11:00 pm من طرف المحبوب

» اسعد اوقاتكم
الأحد ديسمبر 02, 2012 11:02 pm من طرف المحبوب

» لو كانت حياتك قصه فما هو عنوانــها
الأحد ديسمبر 02, 2012 4:34 pm من طرف wawa

» جيش رجال الطريقة النقشبندية يقصف مقر للعدو الامريكي
الجمعة نوفمبر 30, 2012 10:15 pm من طرف المحبوب

» صفحة شعراء جيش رجال الطريقة النقشبندية
الثلاثاء نوفمبر 27, 2012 2:11 pm من طرف المحبوب

» اسعد اوقاتكم
الجمعة نوفمبر 23, 2012 10:29 pm من طرف المحبوب

» عاجل جيش رجال الطريقة النقشبندية يقصف مقر للعدو الامريكي
الخميس نوفمبر 22, 2012 9:19 pm من طرف المحبوب

الزوار
surveillance des temps d