الهدرا تاع البوغتابل

البارح كنت راجعة للدار من الخدمة و راكبة في النقل و كارهة حياتي مع العشية. تخيلو واحد هابطلو الموغال و نستنى وقتاش نلحق للدار.اقعد واحد مورايا في النقل صونا البوغتابل تاعو تخيلو يرفد و بدا يحكي من الهدرا تاعو باينة معامن كان يحكي قالها واش اكتيفيتي و منبعد ولا يهدر في وحد الهدرا ماتسوى ماتصلح و هي كملت معاه الهدرا تحسب راه يقولها في حوايج ملاح .تعرفو لوكان صبت كنت نقيسو من النقل ولا نمدلو زوج كفوف و لوكان غير حالتو حالة لهلا يشوفكم فيه.قلت في قلبي اه ربي لوكان غير جبت الكتمان كنت درتو في وذنيا ماسمعتو ماتغم قلبي.و انا مانيش فاهمة هذيك الطفلة واش راه عاجبها فيه لا هدرا لا يديك لا يجيبك و منبعد قلت سوغ راهي كيفو لوكان ماجاوش نفس العقلية كانو ماهدروش مع بعض.وزيد الي كمل الحالة السي انزل في التاغمينوس معنتها طريق كاملة وانا متحملاتو.انا مانيش فاهمة هادو معندهمش خواتات. يتمسخرو هاكدا مع بنات الناس و زيد هادو لبنات راهم عمي من قلوبهم يهدرو مع ناس كيما هاكدا الله يهدي ماخلق راحت الحشمة و التربية ماولاو يعرفو واحد راه مع اختو ولا واحدا يحشم منها.الله يهدينا يا رب.و زيد عندك هدرا استنى لحق للدار اقعد روحك و منبعد اهدر ربي يسهل عليك هادي ماشي غير ليجان والله بنات و داروها .مرة طفلة في النقل واش تقول للي كانت تهدر معاه و النقل معمرا ناس خلاص فهمتك كنا نعرفو بعضانا و دوك خلاص كل واحد يروح لطريقو واش هاذي بهدلتونا يا خي كاين داركم روحي ليها و منبعد اهدري وعلاش تفرجي عليك الناس.ربي يهدينا اجمعين يا رب

السلام عليكم

شكرا لكي اختي على هاد الموضوع القيم
الالنقال اخترع من اجل قضاء المصالح و تقريب المسافاةبين الاهل و الاصدقاء و الأحبة
لكن البعض الجاهل استغله في اشياء غير لائقة لانه سلاح دو حدين و كل واحد و عقليتو و تربيتو و كيفاش يتصرف مع هاد الجهاز الصغير في حجمو و كبير في فعايلو ان صح القول

و ارجو ان اكون محقة في تحليلي للموضوع

بارك الله فيك