سرالعلاقات في منتدى الجزائر بلادي

سلام واش راكم لاباس .عندي بزاف ماكتبتش موضوع جديد اليوم لما فتحت المنتدى رحت نشوف في قائمة الاعضاء لما نشوف اسم نتفكر الشخص تعرفو واش جا في بالي كيفاش الانسان يتعلق باشخاص ماشفتهمش خلاص كيفاش تفرح لشخص ماتعرفوش كيفاش تتاثر لشخص بعيد عليك بزاف و جامي عرفتو و جامي بلاك راح تعرفو.كيفاش تعز ناس مايربط بيناتكم الا حاجة اسمها منتدى الجزائر بلادي. علابالي راح تقولو عليا الطفلة خفافت من عقلها مي والله حابة تجاوبوني

والله انا تاني والله غير كل واحد في المنتدى عندو معزة في قلبي..مين ذاك شي ناس تعرفهم في العالم الافتراضي يكون خيرمن نااس تعرفهم في الواقع الف مرة.

أختي القلوب الطيبة يجمعها الود .والحمد لله أنا لاحضت ان الجميع هنا طيبين .أحببت أسرة هذا المنتدى لأنهم أحبوني