الزواج و الطلاق تاع شباب اليوم

سلام واش راكم لاباس المهم اليوم حبيت نحكي على واحد الشي راهو منتشر بزاف بزاف في حياتنا و هو الطلاق.ما وليتش فاهمة واش هي الاسباب الي خلات الناس يتزوجو و مورا شهر و لا شهرين يطلقو. و الشي الي راه خالعني هو والله غير الطفل يا ربي يكون في 25 والطفلة تكون في 19 هاذي ماشي تبهديلة السبة واش هو الي تبدل في الحياة بكري والدينا بلاك ماعرفوش بعضاهم خلاص و حياتهم راهي ماشية و الحمد الله اما ضروك راهم يعرفو بعضاهم و فاهمين بعضاهم و مورا الزواج يقولو ماراناش فاهمين بعضانا واش هاذا .و لا واش الزواج راهم حاسبينو ساهل و لا المهم لقيت الي نحبو و يحبني كاين حوايج بزاف وخدخرين يبانو مورا الزواج و هنا تكون فات الحال و الشي الي يضر تاع الصح هو اذا كانو جابو ديجا طفل .سمحولي راني طولت عليكم مي حابة كل واحد يمد رايو في هذا الموضوع.اه تفكرت وحدا صحبتي كانت وحد النهار في المحكمة قاتلي شفت واحد الشي ماعرفت نبكي عليه ولا نضحك تتخيلو زوج جايين يطلقو و هوما يا ربي عندهم 4 اشهر زواج و زيد هو لاباس سروال هيبهوب و مبيكي شعرو و هي لابسا سروال سليم هادو صار زوج قادرين يزوجو و يربو جيل يصلح و زيد بلاك لوكان سقساهم القاضي بلاك مايعرفوش حتا وعلاش زوجو و علاش راهم رايحين يطلقو.انا مافهمت والو الي فهم يفهمنا

أهلين أختي سيرين انا الحمد لله تمام ان شاءالله انتي وباقي الاعضاء بخير. بالنسبة لموضوع الزواج والطلاق ممكن يكون السبب هو عدم اختيار الشريك المناسب يعني الجمال والفلوس مش كل شي يعني هادي حاجات ممكن يفقدها الانسان فلحظة او مع الوقت يصير شي مألوف لكن اللي يبقى ويدوم هو العشرة الطيبة .. وانا نشوف انو الشباب ينقصهم الصبر والحكمة ، او على الأقل يستشيروا الأكبر منهم ويستخيروا الله ... مش المهم انو الانسان يرتبط باش يكون سعيد المهم انو يسعد نفسه سواء ارتبط او لا