الرجال و البنات

جبتلكم موضوع راه رايح يهبلني و حابتكم تمدولي رايكم.وعلاش الوقت الي وصلنالو راهي انعدمت فيه الثقةبين الرجال و البنات.وعلاش لبنات راهم يقولو بلي الرجال راهم يحبو غير اللعب و التمسخير برك مكاش الي راهي عندو النية الصافية.و الرجال يقولو لبنات راهم يجرو غير ورا المادة و مكاش الي معندهاش ماضي راني حابة الكل يجاوب و يمد رايو

انا تبانلي بلي الي راه عندو هذا التخمام هو انسان ناقص سواء كان الراجل ولا الطفلة لانو الي فيه هادي الحاجة هو الي يحسب الناس الكل كيفو.معنتها انو الي يتمسخر يحسب الناس الكل يتمسخرو ..مي كيما كاين بنات الاصل كاين ولاد الفاميليا.الطيبون للطيبات و الخبيثون للخبيثات

صحيح مثل ما قلتي انو الي يتمسخر هو الي يظن الناس كيفو لكن لا نكر انو في هذا الزمان قل فيه الصدق اقول قل مش انعدم
الي تلقايهم حاملين هذي الفكرة هوما الناس الي لديهم تجربة فاشلة مرت عليهم اما فشلت في الحب او الصداقة ......كيما في هذا الوقت قليل وين تقاي شاب جدي ..مش نقول الكل صح كاين بنات فاميليا وولاد فاميليا لكن لسعيد الحظ هو الي يتلاقا بيهم ........هذا رايي وطبعا قابل للنقد

صدقتي اخت سوسو في هدا الزمان ماعاد كاين الامتن واصبح يطبق مثل كما تدين تدان هذ الجيل صار واحد يتمسخر بواحد ككيما نقولو ماعاد كاين النيه كيما قبل الفتاة تقولك نديباتي بيه والشاب يقول نديباني بيها وفي الاخير الضحية عارفه روحها بصح كاين البعض كيما قالت الاخت نصيره ناس ملاح يعرفوا كيفاه يقدرو ويتصرفوا هادوك صحاب العقلية الفور

نقولك حاجة اخت سوسو وعن طريق التجربة
كاينة ناس تستاهل الثقة وتستاهل كل الخير
مي قلال ماش غير بين البنات والرجال حتى الرجال في بعضاهم صعيب تلقى واحد يوقف معاك ويحفظ سرك
مي كاين والله العظيم

شكرا لكل من نصيرة زهرة و رؤوف .مادام كاين ربي مادام الدنيا مازالها بخير

لخاطرش لبنات يبغوا لي يفورني
ميبغوش لي يبغي من قلبه

اخ جمال هادي مكاش منها شوف مكاش طفلة في هادي الدنيا تلقى واحد يحبها و يراه من قلبو باش يخطبها وتقول لالا.ولي تقول لالا هادي ماشي نوغمال مي سمحلي خويا الرجال تاني مكاش الي راه فيهم يحب من قلبو واذا صبتو حاب يقلك انا باش نحب حاجة و باش نزوج حاجة وخدخرا بيانسوغ مانيش نهدر على الكل مي الا من رحم ربي

» البنات
» حركات الشرطة اذا ساقوا البنات
» اسماء البنات التي ذكرت في القران الكريم
» اسماء البنات التي وردت في القران الكريم
» اوصاف الرجال