وعلاش الكذب

اليوم راح نهدر معاكم في حاجة صراتلي انا بالذات .انا فاتحة سكايب بيانسوغ مانهدرش مع الناس الكل كاين الي ملي فتحت راني نهدر معاهم و كاين الي هدرت معاهم بلاك وحد الخمس دقايق راكم عارفين وعلاش .المهم انا هاذو مايهمونيش انا الي يهموني كاين والله غير ناس مربيين بزاف راني نهدر بيانسوغ على الرجال والله ماخسروش خلاص معايا المشكل راه في ان تهدر معاهم نوغمال مي تفوت وقت باش يجو يقولولك سمحيلنا احنا ماقلنالكش الصح المعلومات الي مديناهم ماشي صح.انا ماشي عارفة وعلاش الكذب انا متاكدة بلي نيتهم ماكانتش سيئة لما تقولهم علاش يقوللك الله غالب جات هكا.هكا تمد رايكم وعلاش الكذب كاين بزاف في الشبكة العنكبوتية وعلاش مكاش الثقة مع انو كاين ناس بزاف ملاح فيها والله غير بلاك تلقاهم خير من الناس الي راك عايش معاهم في الحقيقة.راني نقارع في رايكم

مشكووورة اختي الغالية على الموضوع عجبني بزاااف بصراحة كاين لي راهم من هاد النووع باسكو عندهم اسبابهم بلاك يخااافو و مباعد كي يعرفو نية الشخص لي يحكو معاه يصارحوه بالحقيقة مي انا من وجهة نضري ما عندها حتى فايدة باه نكذب نمد المعلومات الصحيحة ماش راح يزيد فيا و لا ينقص سامحوني بلاك اطلت لكن الموضوع جبني مشكوووورة سوسو

صحيتو على الردود كل من نسمة و واوا.راني نقارع للاخرين وين راكم

للضرورة احكام اختي
قد يكون الشخص مضطر للكذب
وذلك لمصلحة الجميع
هذا

للضرورة احكام اختي
قد يكون الشخص مضطر للكذب
وذلك لمصلحة الجميع
هذا هو راي الشخصي

اخ جمال واش هي الاحكام الي تخلي اي واحد يكذب مكاش خير من الصراحة و تحت اي ضرف كان بلاك هذا الشخص انت اهدرت معاك بنيتك مي لما تحسو يكذب عليك بلا ك حتى راح يخسرك هذا يبقى رايي انا برك

اهلا سوسو ان شاء الله تكوني انت والكل بخير
موضوع مليح ويستحق النقاش .....في رايي الشخصي انو مالازمش نكذبو انا عن نفسي لما نحكي مع شخص نمد معلوماتي الصحيحة لخاطر ماغادي يزد ما ينقص كيما قالت واوا .......هذاي وجهة نظري في الموضوع

انا ننصحك سيرين ما تمديش كلش من النهار الاول

كاين ناس كيما قلتي ما يستاهلوش

و عيب يعرفوا عليك كل شي في خمس دقايق

و ممبعد ما تزيديش تهدري معاهم



و نصيحة تانية

ننصحك ما تخليش وسيلة التعارف الي هي التشات

خاطر اغلبهم فارغين شغل

يمكن المنتديات احسن

تشوفي ردوده

و طريقة تفكيره

و رسائله الخاصة

على الاقل

تضمني الي قدامك

شخص عنده مستوى





تحياتي القلبية ليك



ملاك