ما رايكم؟؟؟؟؟

مارايكم في مقولة مالحب الا للحبيب الاول

اكيد في فترات حياتنا نتعايش ونرى العديد من الاشخاص فمنهم من نحبهم ونضعوهم في مرتبة الاصدقاء لكن تجد شخص يعلو برتبته الى ان يصل مقام الحبيب/ة
نسعد بهم نعيش مع بعض ونلتقي في الشدة وفي اليسر في الفرح وفي الحزن

نجد عقبات في حياتنا تلك تزيد من تقربنا لبعض الا انه ياتي وقت ونفترق ....نتالم ونبكي ونفترق نهائيا
الا ان نجد اشخاص اخرين ويكونو يطمحون للوصول الي تلك المرتبة الخاصة لكننا ننذرهم ونبعدهم

فلما هذا هل هو خوف من تعداد الالم والجرح؟ام اننا اعتزلنا بعد التجربة الاولى؟ام ان المقولة ماالحب الا للحبيب الاول صحيحة؟؟؟؟

انتظر ارائكم

انا بالنسبة ليا هذي المقولة مكاش منها.تعرفي وعلاش نقعدو ديما متعلقين بالناس الي حبيناهم و الله غالب افترقنا لانو ماقدرناش نكونو مع بعض هذا مكان و بلاك لوكان كملت الحكاية للخر بلاك كنا مانعيشوش مليح.مثلا لوكان قيس زوج بليلى و روميو زوج بجولييت كانو ماينشهروش هكا تعرفي وعلاه كانو يتلهاو غير في مشاكل الزواج برك و كان قصتهم كاي قصة عادية مي لما احد فيهم يهبل و لاخر ينتحر يقولو بلي كانو يحبو بعضاهم لدرجة غريبة .الانسان ديما يقعد يخمم في الشي الي ماقدرش يديه برك و ينسا الشي الي راه بين يديه و علا هكا شي ناس يضيعو من يديهم ناس يحبوهم على ناس بلاك ماراهمش يخمو كامل فيهم و هاذا علاجال حاجة و اسمها الحب الي بلا عقل يعني الحب الجنوني.انا مانيش نقول مكاش حب مي من جهة نظري الي يامنو بهاذي المقولة ناس يحبو بلا تخمام معنتها يحبو بقلوبهم و يلغو عقولهم مي الدنيا مكاتيب .هذا رايي برك و يحتمل النقد بيانسوغ

مشكورة اختي اكيد الي يحب راح يحب بقلبو ويكون عقلو في سبات وهذي نقطة ضعفنا حنا تسلمي على الرد وعلى ابداء الراي