المهر و قيمتو عند الطفلة و الراجل

راح نحكي اليوم على موضوع يهم لبنات و الرجال في نفس الوقت و هو المهر في رايكم نتوما لبنات لما باباك يطلب مهر كبير و الراجل يقبلو معنتها انو راه يحبك صح و انو قيمة المهر هي قيمتك صح .و الرجال لما يروحو يخطبو وحدا و يطلبو منهم مهر كبير راح يقبلوه حتى و يكون مبالغ فيه و انت في رايك صح المهر الي راح تدفعو راه يساوي محبتك لهاذي الطفلة..في رايكم وعلاش ولى الزواج معنتها عملية حسابية و ماديات برك مع انو حاجة اكبر من هذا.

والله انا جد معجب بمواضيعك المميزة التي تطرح
واقع المجتمع الجزائري
بخصوص المهر في مدينتي كانت هناك صولات وجولات في المسجد لاجل تحديده
فبعدما حدد بمبلغ ثمانية ملايين سنتيم سابقا

عاد للظهور مجددا فهناك من طالب الى رفعه الى حدود الخمسة عشرة مليونا
وهناك من اراد تخفيضه الى اقل من ثمانية مليون
وقد شد انتباهي رد امام المسجد على العديد من التساؤلات
فالبنسبة الى اولئك الذين يطالبون بخفضه فقال أنتم تصرفون في يوم واحد في عرس واحد ما قيمتها 60مليون او اكثر
في امور لا معنى لها وهل اذا قدمت هذا المبلغ الى زوجتك واهلها أفضل ام صرفه في امور تافهة
وقد تفشت ظاهرة في مدينتي ألا وهي سعي شباب المدينة الى الزواج من خارج المدينة وهي الظاهرة التي باتت تأرق سكان المدينة

نشكرك اختى سرين على المواضيع الى دايمن تطرحيها وهى دايمن مفيدة وتكون من الواقع المعاش
والان راح انجاوب على سؤال انا في راي انو المهر هو الى جعل نسبة العنوسة والزواج المتاخر في زيادة مستمرة ايا قولولى درور الله يرحم والديكم واش من فايدم من المهر الغالى ومن بعد الزواج ايكون فاشل ونهايتو الطلاق كما يقول واحد لمثل في الصيف القاطو وفي الشت الو قاطو (المحامي )والعلاش الناس متخممش بعقلها المهم لهناء وتكوين اسرة سعيدة المهر موجود في عقد الزواج وهو من واجب الرجل على المراة لكن ليس بالضرورة ان يكون ثمين ومكونش مستعسر وصعب احن لقبايل عندنا عادات جيدة احن منطلبوش المهر واش يكون موجود يرضو بيه نشرطو غير الهناء
وحسن الختام سهلوها تسهال متعسروهاش باش تتيسر

صحيتو على مروركم و تجاوبكم و ان شاء الله نكون دايمن عند حسن ضنكم.هي المشكل في غلاء المهر انو مالين الطفلة يقولو بلي راه شنا لما يكون غالي باش يزوخو برك و كاين الي يقول بلي كلشي راهو غالي و لوكان نجو نسقسو الراجل يقلك انا مين راح نجيب الدراهم علا هكا كيما قالت نسمة رانا نشوفو ظاهرة العزوف عن الزواج.كيما حنا عندنا في الشلف كاين الي يمدو بناتهم بالغلا و يطلبو المحال و كيما عندنا ناس مايشرطوش بزاف يقولو المهم الهنا برك و الصح في الراجل.و حنا عندنا ماشي غالي بزاف المهر و مايشرطوش بزاف لما يحبو يغلو بلاك توصل ل 15 مليون كيما كاين الي يمد بنتو ب 6 ولا 7 ملايين.

» الطفلة التي ابكت الملايين