واش هو الشي الي راك حاب تمحيه

المجتمع الجزائري كيما انا نعرفو و نتوما تعرفوه صح فيه حوايج بزاف ملاح مي فيه تاني حوايج ماشي ملاح .انا حابة كل واحد فيكم يقول واش هو الشي الي يكرهو فيه و راه حاب مايكونش كاين .مانيش قاصدة غير في الجزائر برك باش ماتزعفش امل مني

انا عليا الشي الي مانحبوش و نكرهو تاع الصح و حابة نمحيه نهائيا المعريفة و الرشوة و البيروقراطية و الي يحكم بيرو عندنا يحسب راه حاكم علينا السما

صحيح أختي سوسو
قبل يومين تكلم وزير الصحة بعد الهجمة الي تعرض ليها من طرف الدكاترة والاطباء
في القطاع الصحي بعد فشله الذريع في الاهتمام بقطاعه وبقاء قطاعه في
ظلام وتخلف خرج وقال انو تحركهم أيدي خارجية
والله أضحوكة أكل من يطالب بحقه تحركه أيادي خارجية
وبعد كل هذا الطبيب في الجزائر الاقل اجرا في العالم
ونعود لقضية الأستاذ التي كل دخول مردسي نتوقف عند حاجز من الاضرابات
من اجل حقوقهم ولا ننسى اولئك الطلبة الذين يحشرون في الأقسام حتى ايام الراحة للاستيدراك
والله صرنا نعالج الاخطاء بالاخطاء
انا نحب من الانسان الي مايسكتش على حقو والي وين يشوف خلل يوقف عندو قبل اسبوع كنت في حالة حرجة وحتجت شوي فلوس مع مرض الوالدة رحت للبنك
تخيلو طابور كبير
ينتظر ممكن يومين او ثلاث وما ينتهو من امورهم
والمشكل العمال والله ما في حد جالس على كرسي ويشتغل مع الناس
هذا يقرا في الجريدة وهذيك مع الموظف تتبادل الغزل
والله والناس ساكته وراضية بالاحوال
تخطيت الناس وتقدمت واجهني العساس ( الحارس) قالي وين رايح
بديت عليه الاول ودخلت لمكتب المدير وحاولت نعطيه درس لكن من الواضح انو ما يستوعب كلامي يدخل من اذن وخارج من الاخرى
ولكن الشي هذا راجع كلو لضعف شخصية المواطن
ونتمنى الشخص الجزائري يعدل من تصرفاتو اتجاه الناس
وكذالك يوقف على حقو

المشكل الي رانا كامل فيه هو انو رانا نطبقو المهم تخطي راسي و لا المهم انا فريت اموري ربي يسهل على الناس تعرف واش خاصتنا انا لوكان جات بيدي كان نزيدمادة جديدة في الابتدائي نعلم فيها الجيل الجاي واش هي حقوقو واش هي واجباتو و باش يجي جيل عارف واش ليه و واش عليه.

الله الله

غي بالي راك مقلق بزاف يا رؤووف

ساعف شوية برك

قالك

بوس الكلب علا فموا ....

تقدي حاجتك منوا ا

واش رايك